前幾日唔知同朋友傾開啲咩講起比起CONVERSE每個人嘅鞋櫃總要有一對白色波鞋看門口，保存得宜嘅話，任何場合穿著都大方得體。

前幾季托Stan Smith嘅鴻福，不論男女老幼，各個風格嘅人都即刻入手一對。但買之前你又有無諗過點解無啦啦一對中小學時都著過嘅全白鞋，無啦啦點解會變左Must Have Item呢？《The Devil wears PRADA》入面女魔頭對住身穿彩藍色毛衣嘅Andrea講過嘅一番說話，「這並不只代表藍色，而是代表著成千上萬的生意。你更不會在意2002 Oscar de la Renta及YSL等等的藍色系列...」每一件設計背後都總有住千絲萬縷嘅關係同故事，要了解白波鞋之前倒不如先打穩基礎，同大家講下Sneakers嘅興起。

先前有幸同咗鞋履品牌HOGAN嘅CEO做左個小訪問，做資料搜集期間先知道90年代大多女士反工都必須穿著高跟鞋，因為除此之外都無咩大方得睇嘅鞋履代替。有見及此品牌推出第一對結合優雅、時尚同舒適嘅Sneakers，就係咁日復日、季復季，令sneakers成為每個season不可或缺嘅單品，而白色波鞋就應運而生。依股白鞋風潮，最近嘅話就可以追溯反近年大家最愛，剛離任CÉLINE創意總監之位嘅Phoebe Philo以及創立同名品牌嘅咸嫂Victoria Beckham，兩位除左以簡潔俐落嘅設計聞名之外，佢地嘅打扮都成為眾人焦點，幾乎每一場嘅謝幕都會穿著一雙白色波鞋，令信眾們紛紛模仿其形象，白鞋闊褲相信都係依幾年係不同場合頻繁出現嘅造型。不單只Phoebe Philo身穿嘅Stan Smith大熱，此火勢更蔓延至各大品牌。講到Sneakers鞋王一定係ALEXANDER MCQUEEN 嘅Oversized Sneakers，高端版白波鞋，至今仍受不少人寵愛，皆因除了外觀型格，更有數厘米「自信踭」，行起來都「囂張」過人。另一方面，一向讓高端時裝變得平民化嘅快時尚店更推出一系列設計，令白波鞋變得更普及化。

時裝世界有著顯然易見嘅因果關係，每一件係你身上嘅衣飾，都可能來自大師大膽嘅概念。若你咀邊仍恥笑著時裝世界有多浮誇，可顯示出你有如Andrea般愚昧。