查實 Ryan 之所以幫阿女改呢個名，全因為佢老竇James Chester Reynolds！咪睇 Ryan 平時成日喺 IG 同老婆 Blake Lively 互窒爆爛 Gag ，就以為佢份人周不時都好開心。實情「死侍」因為家庭問題，曾經長時間患過焦慮症。

最近 Ryan 接受美國傳媒訪問時透露：「我爸爸(James)成日都好強勢，佢係一個好人，但由細到大對我都好嚴厲。因為我爸爸，我嘅成長過程一啲都唔輕鬆，曾經因為咁而患焦慮症。」

嚟自加拿大中產家庭嘅 Ryan ，一直同阿爸嘅關係麻麻，直至老婆  Blake Lively 穿針引線幫手，佢兩父子嘅關係近年先得以修補。可惜 James 喺 2015 年因病過身， Ryan 話爸爸過身令佢好 Down ，但慶幸 Daddy 臨終前可以見到大女出世，而 Ryan 亦係因為阿爸，所以先將大女個名改做 James。