當意大利時裝品牌遇上英國豪華車廠的話,究竟會擦出甚麼火花呢?Aston Martin同Hogan今年合作推出聯乘波鞋,系列中4款波鞋以皮革與尼龍網料2款物料為主打,設計靈感取自Hogan嘅Olympia標誌性結構,4種百搭嘅季節性色彩更帶比人耳目一新嘅感覺。波鞋同時亦加入Aston Martin嘅跑車元素,比如鞋身就採用車廂中用嘅工藝級皮革,而且無論喺用料、縫製等的技術上都非常講究。Aston Martin x Hogan嘅限定波鞋系列全球只係限量3000對,如果你既係愛車之人,又係愛鞋之人,就一定唔可以錯過。