喺《Sex and the City》電視劇中，Hermes 店員對住 Samantha 講 "It's not a bag. It's a Birkin."，可想而知 Birkin 喺袋界的地位有幾超然。買 Hermes 手袋唔係女士們的專利，喺 Hermes 店排隊的人潮中，不乏男士們，他們有啲係為博紅顏一笑，不惜身體力行花金錢同時間去搶購呢款神級手袋。我相信當你女友收到 Hermes 袋時，唔只一笑，直頭會笑到裂嘴囉！除咗為女友買袋，唔少男士買 Hermes 袋嚟投資，如果好彩喺巴黎 Hermes 店買到一個原價約 6 萬港元的 30cm Birkin，即刻放上網就可以標價 13 萬出售。Hermes 自 1892 年生產首款皮袋已經幫個袋起埋個名 Haut a Courroies ，係為狩獵者設計的馬鞍袋。如果你只係認識 Birkin 和 Kelly，咁就太膚淺啦。其實 Hermes 每個袋都有名字同埋收藏價值。下次見到你朋友手拿 Hermes 袋，記得叫翻佢個名，唔好只係當佢一個普通皮袋。