電影《志明與春嬌》中,「男神」余文樂飾演嘅張志明以「n 55!w I」短訊成功攻陷女主角余春嬌嘅芳心,聽完大家可能會覺得短訊媾女好似食生菜咁易 。都係嘅,如果你好似余文樂咁靚仔(仲要咁大隻),終日以 emoji 回覆都可以打遍天下無敵手。但係難道其貌不揚就註定喺依場短訊攻防戰中全軍覆沒?非也,女神「藍剔」你可能只因你誤中地雷,學識以下「短訊媾女方程式」,話唔定你都可以抱得心目中嘅余春嬌而歸。