〈天命最高〉

「別高興～ 別以為叫始袓」

2001年播出既《尋秦記》將項少龍呢個角色帶入大家心中，連帶由古仔主唱既劇集主題曲都街知巷聞。「別高興，別以為XXX」從此成為網絡「萬能key」，係適合任何話題，好洗好用的二次創作素材。

〈男朋友〉

「回答我可不可以暫時讓我　講出感覺後

才直說你有男朋友　現在就要走」

講到最「冧死女」的作品，〈男朋友〉絕對可以問鼎榜首，而呢首亦可以話係古仔的慢歌當中，最多人識的作品。雖然古仔轉戰影壇後已經絕少開金口，不過提到自己的舊歌，佢都非常玩得，曾經就將「現在就要走」改唱做「現在就要嘔」。

〈一眼驚喜〉

「故事結局  網上待續」

呢句唔係歌詞，係EPSON廣告的最後一句，唔知仲有幾多人記得當年李彩華問古天樂買拍紙簿的畫面呢？廣告大家可能記得，但其實首廣告歌都係古仔同李彩華合唱架！呢個組合係咪驚喜先？

〈天真〉

有睇過《創世紀》的朋友，應該都唔會對呢首劇集插曲陌生。簡單旋律加上易入腦的歌詞，係好多鐘意《創世紀》的朋友必定會回味的歌曲。

〈我沒有女友〉

想睇古仔跳舞，除左〈今期流行〉，〈我沒有女友〉絕對係滄海遺珠，皮褸加開胸恤衫真係可一不可再！雖然現存揾得到的MV像素麻麻，不過影帝+叱咤男歌手的舞藝依然係清晰可見，想重温的朋友可以上youtube睇返，堅係好聽。