Emily話厭食症對佢影響好嚴重，就好似有隻魔鬼成日喺佢耳邊同佢講嘢，叫佢咪再食嘢，否則就會變肥婆。所以喺Emily住院期間，無論醫生同護士畀咩佢食，Emily都會即刻掟落床。

直到Emily出院之後遇到健身教練阿Rob，佢嘅人生迎嚟巨變。Emily話：「我17歲嗰時，每日只會食一個蘋果，之後又因為厭食症復發要再次入院。直至我遇到健身教練阿Rob，佢改善咗我嘅飲食，幫我開拓咗健身事業，完全扭轉咗我嘅悲慘人生。」

家陣20歲嘅Emily，坦言正值人生最快樂嘅時刻，而透過健身同贏得健美小姐冠軍之後，更加令佢對健身事業充滿期望。Emily話希望用自己嘅故事，激勵患有厭食症嘅人衝破難關，重返正常生活。