去親動漫節，梗會見到啲鬼五馬六嘅 Cosplay，但查實 Cosplay 都可以玩得好 Pro。就講日本吖，呢個 Cosplay 大國每年都會喺名古屋舉辦世界Cosplay大賽，就連名古屋市長都會 Cosplay 埋一份，足證呢項文化係幾重要。

今屆世界Cosplay大賽已經曲終人散，嚟自 36 個國家嘅隊伍經過一番精彩比併之後，最終由墨西哥組合 Banana Cospboys 贏得冠軍。佢哋 Cosplay 經典神作《街頭霸王》入面嘅對戰場面，一個扮印度佬，一個扮春麗，唔單止造型一絕，就連對戰動作都夠晒高難度，係抵佢哋攞冠軍嘅！