貓 Cafe ,嚟嚟去去咪歎吓咖啡、玩吓貓咁,有咩特別呀?真係有特別呀!位於東京両国駅附近嘅江戸ねこ茶屋 (江戶貓Cafe) 將會喺本周五正式開業,為期兩個月左右,各位遊日貓迷要注意喇!
一般嘅貓 Cafe 唔會有太多地方特色,不過呢間 Cafe 叫得做江戶貓,就梗係以江戶時代嘅裝修嚟做主題喇,務求令大家好似返到去江戶時代咁,又一個打卡靚位。
最有特色係呢度啲貓主要係由貓義工救返嚟,顧客覺得合眼緣嘅話(當然只限居日者),可以領養貓貓返屋企,畀個家佢哋。遊日旅客亦唔使失望,因為 Cafe 提供好多 Tee、食具、貼紙甚至咕𠱸等等嘅貓貓紀念品,梗有一款啱你心水。
江戸ねこ茶屋 位置:鄰近東京 JR 両国駅 營業時間:11 a.m.至 8 p.m. 營業日期:6月15日至8月31日