高爾夫球並唔淨止係男人嘅天下,近年多位索女球手都喺高爾夫球界打出名堂,仲憑住天使面孔俘虜唔少男Fans。
早年嘅高壇索女,必數韓裔美籍球手魏聖美 (Michelle Wie) ,出道初期成日著短裙出賽,勁養眼。
近年索女代表,就肯定非 Paige Spiranac 莫屬!呢位90後美國球手身材勁爆,今年仲幫《體育畫報》拍咗輯泳衣照 Show Quali。
至於講到未來 Golf 壇,相信會係 Lucy Robson 天下。呢位23歲女將喺倫敦出世,並喺美國佛羅里達州長大。試過喺 Jensen Beach High School 連續4年成為「冧把溫」球手,帶領所屬球隊贏得兩次地區冠軍。
主修 Business 嘅 Lucy,成績好,樣又靚,打 Golf 又叻,未正式殺入職業球壇已經成為全美焦點,嚟緊肯定大把「錢」途。