C朗拿度喺葡萄牙單天保至尊，加上靚仔又好波，今屆世盃「賣衫王」隨時係佢。

可能大家會話，英格蘭件波衫年年都差唔多，不過講就咁講，香港球迷自細睇英國波大，對「三獅兵團」硬係有份情意結，所以「英軍」波衫唔愁冇銷路。今次件球衣衣領內側，會出現玫瑰型花飾，又幾別緻喎！

法國國家隊主客場球衣嘅領後都有藍、白、紅三色條帶，配埋「Nos Differences Nous Unissent（我們的不同帶給我們團結）」呢句口號，意味法國隊以至整個國家多元文化的融合。

足球王國巴西嘅黃加綠波衫夠晒Sharp醒，向來係唔少潮人嘅選擇，今次件衫細節位做得勁有心，包括來自巴西國旗嘅地球儀、50年後再次啟用嘅藍色衣領貼邊同口號「Você é a Seleção（你的選擇）」。